अनिल नेपाली,
अर्घाखाँची–अर्घाखाँचीको मालारानी गाउँपालिका वडा नं १ निवासी ४९ बर्षिय मान ब नेपाली अहिले जटिल अबस्थामा हुनुहुन्छ ।
लामो समय सम्म ज्याला मजदुरी गरि जीवन निर्वाह गरेका नेपाली उमेरले पनि अब आराम गर्ने परिस्थितिमा हुनुहुन्थ्यो तर जीवनको रफ्तार त्यस्तो भएन र नेपाली ४ महिना अगाडि घाँस काट्ने क्रममा रूखबाट लडेर घाईते भई दैनिक रूपमा हिँडडुल गर्न समेत असहजको अबस्था सिर्जना भयो ।
ज्याला मजदुरी गरेर जीवन निर्वाह गरेका नेपालीमा तिव्र आर्थिक अभावको समस्या छदै छ त्यसै माथि नेपालीको कम्मर मुनिको भाग पनि नचल्ने अबस्था भएपछि परिवार अहिले छाक टार्न समेत धौ धौ भई अत्यन्त अप्ठेरो अवस्थामा छ ।
सहयोगकालागी दुख सुखमा साथ दिने छिमेकी आफन्त सबैलाई अपिल गरे नेपालीले तर सोचे जस्तो भएन । पिडितले आफ्नो उपचार र परिवारको जिवन रक्षाको निमित्त सहयोगको लागि अपिल गदै आर्थिक अवस्था निकै कमजोर भएको र अस्पतालमा नियमित रुपमाउपचार गर्नुपर्ने भएकाले खर्चको अभावमा उपचारमा समस्या हुन पुगेको बताउदै आफ्नो जीवन बचाईदिनको लागि आग्रह समेत गरेका छन् ।
नेपालीको घरमा अहिले उनलै काम गरेर परिवारका सदस्यको जीवन निर्वाह गर्दै आएका थिए अहिले उनी बिरामी भएपछि हाल उनको घरमा अन्य परिवारका सदस्य कसैको पनि आयश्रोत समेत छैन ।
