बुटवल, हरितालिका तिजको अवसर पारेर बुटवलको ड्राइभर टोलमा रहेको The SR Hotel ले वृद्ध आमाहरुलाई सम्मान गरेको छ ।
तिलोत्तमा १ ड्राइभरटोल स्थित रहेको होटल S R ले ९१ वर्ष उमेर पुगेका ३ जना आमाहरुलाई दोसल्ला र उपहार सहित सम्मान गरेको हो । उक्त सम्मान कार्यक्रममा वृद्ध आमाहरुले कार्यक्रम गरेर यसरी सम्मान गरेकोमा आशिर्वाद सहित धन्यबाद ब्यक्त गरेका थिए ।
कार्यक्रममा बोल्दै होटलका अध्यक्ष शंकर बस्यालले आमाहरुलाई सम्मान गर्न पाउँदा खुसि ब्यक्त गर्दै, पछिल्लो समय विविध कारणले हाम्रो समाजमा परम्परागत संस्कृतिलाई विर्सिदै जाने र आधुनिकताका नाममा भड्काउलो तिर जाँदै गरेको उल्लेख गर्दै हिजो आमाहरुले तिजको अवसरमा घरका पीडा र खुसिहरुलाइ गितको माध्यम बाट प्रस्फुटन गर्दै रमाइलो साटासाट गर्ने गरेको इतिहास बताएका थिए ।
कार्यक्रम मा तिलोत्तमा १ का वडा अध्यक्ष फर्सुराम गिरीले लामो समय प्रभासमा रहि हाल रुपन्देहीमा आएर यसरी होटल संचालन गरेकोमा संचालकहरुलाई आभार सहित तिजमा यसरी आमाहरुको सम्मान गरेर अर्को उदाहरणिय कार्य गरेकोमा धन्यवाद ब्यक्त गरे ।
कार्यक्रममा तिलोत्तमा वडा नंम्बर १ का जनप्रतिनिधिहरु , तिलोत्तमा नगरपलिकाका केही महिला कर्मचारीहरु तथा कालिका टोलविकास संस्थाका नवनिर्वाचित महिला टिमलाइ सम्मान कार्यक्रम गरिएको थियो । कार्यक्रममा होटलका संचालक चिरन अर्याल, विमल के सी,टेकनाथ वस्याल, पत्रकार खेमराज रेग्मी लगाएतले वोल्दै वृद्ध आमाहरुलाई सम्मान सहित तिजको अवसरमा सबैमा शुभकामना ब्यक्त गरेका थिए ।
कार्यक्रमको अन्तिम तिर केही समय पुराना मौलिक गितहरु गाएर रमाइलो गरिएको संचालक चिरन अर्यालले बताए । साथै उनले कार्यक्रममा आमाहरुलाई सम्मान गर्न पाउँदा उहाहरुको उपस्थितिले आफु र सिंगो टिम हर्सित भएको बताउँदै उपस्थितिको लागि सबैमा आभार ब्यक्त गरेका थिए ।
जल्सा पार्टी हलमा सम्पन्न भएको कार्यक्रमा करिव २५० जनाको उपस्थिति रहेको थियो ।