श्रोत नखुलेको पन्ध्र लाख भारतिय रुपैया सहित दुई भारतिय नागरिकलाई सशस्त्र प्रहरी महोत्तरीले पक्राउ गरेको छ । पक्राउ पर्नेमा वैशालीको हाजिपुर नगर ठेगाना भएका ३४ बर्षिय ललन कुमार र सोहि ठाउँ बस्ने २६ वर्षिय मोहन कुमार रहेका छन् ।
उनिहरुलाई आइतवार बिहान १० बजे सशस्त्र प्रहरी बल, नेपाल गुल्म जलेश्वरबाट मालिवडा बसपार्क इलाकामा खटिएको सशस्त्रको टोलिले पक्राउ गरेको हो ।
उनिहरुको साथबाट प्रहरीले भारतिय सीका पार गरी नेपाल प्रवेश गरेको विआर ३१ एके ८८०७ भारतिय नम्बरको अल्टो कार चेकजाँच गर्ने क्रममा उक्त कारमा श्रोत नखुलेको १५ लाख२४ हजार ९ सय भारतिय रुपैयाँ बरामद गरेको हो ।
पक्राउ परेका उनीहरुमाथि आवश्यक कारवाहीका लागि राजस्व अनुसन्धान कार्यालय पथलैयामा बुझाइएको जलसागर स्थित सशस्त्र प्रहरी बल ,नेपाल नं. ९ गण महोत्तरीका गणपति सशस्त्र प्रहरी उपरीक्षक विनोद केसीले जानकारी दिए ।
