रुपन्देही – भनभने (गुल्मी) सम्पर्क समाज रुपन्देही को छैठौं साधारण सभा तथा चौथो अधिवेशन सम्पन्न भएको छ । समाजले तीजमिलन तथा छैठौं साधारण सभा तथा चौथो अधिवेशन सम्पन्न गरेको हो ।
अधिवेशन उद्घाटन गर्दै लुम्बिनी प्रदेशका कृषि, भूमि व्यवस्था तथा सहकारी मन्त्री दिनेश पन्थीले गाउँबाट विभिन्न पेसा व्यवसाय गर्नसहरमा पसेकाले गाउँमा आफुले सिकेको सीप लगानी गरेर साना तथा मझौला उद्योग सञ्चालन गर्न सुझाव दिए । उनले परम्परागत शैलिमा सञ्चालन भएको हाम्रा संस्कृतिहरूलाई पश्चिमेली संस्कृतितर्फ नढाल्न आग्रह गर्दै तिज मिलन सङ्गै अधिवेशन भएको हुँदा सर्वसम्मत तरिकाले काम गर्न सक्नेलाई नेतृत्व हस्तान्तरण गर्न समेत सुझाव दिए ।
अधिवेशनमा मदाने गाउँपालिका अध्यक्ष महेन्द्र बहादुर कुँबरले आफ्नो जन्मथलोलाई उचाइमा पुर्याउन सम्पर्क समाजको महत्वपूर्ण भुमिका रहने बताए । साथै उनले आगामी दिनमा सम्पर्क समाजसँग सहकार्य गरेर विकास तथा अन्य काममा अघि बढने उनले बताए ।
कार्यक्रममा मदाने गाउँपालिका उपाध्यक्ष सरिता खड्का, वडा नं ७ का वडा अध्यक्ष सन्तोष केसी, सम्पर्क समाजका सल्लाहकार भोजबहादुर केसी, नेपाल कर्मचारी युनियनका केन्द्रीय सदस्य नविन पन्थी गुल्मी मदाने सम्पर्क समाजका अध्यक्ष अर्जुन कुबँर लगायतले मन्तब्य राखेका थिए ।
सम्पर्क समाजका अध्यक्ष लोकनाथ पन्थीको अध्यक्षतामा भएको कार्यक्रममा स्वागत मन्तब्य सावित्रा देवि पन्थीले गरेकी थिइन भने सञ्चालन सचिव भोजराज जिसीले गरेका थिए । भनभने (गुल्मी) सम्पर्क समाज रुपन्देहीको छैठौं साधारण सभा तथा चौथो अधिवेशनले नयाँ कार्यसमिति चयन गरेको छ ।
यस्तो छ नयाँ कार्यसमिती :
समितिको अध्यक्षमा बिष्णु प्रसाद घिमिरे, बरिष्ठ उपाध्यक्षमा सावित्रा देवी पन्थी, प्रथम उपाध्यक्षमा बिष्णु हरि पन्थी, द्धितीय उपाध्यक्षमा भोजराज जिसी, तृतीय उपाध्यक्ष प्रकाश पन्थी, महासचिवमा पदम जिसी, सचिवमा चिन्तामणि पन्थी, कोषाध्यक्षमा मीनराज पन्थी, सह – कोषाध्यक्षमा कमला केसी रहेका छन् ।
त्यस्तै सदस्यहरुमा मिन प्रसाद पौडेल,गोपाल भण्डारी, नारायण प्रसाद पौडेल, जगत चन्द , तुल्सीराम पन्थी,कमल पन्थी, मिलन पन्थी, कमला पौडेल, झबिन्द्र पन्थी र टंक पन्थी रहेको संस्थाका संल्लाहकार तथा निर्वाचन समितिका सदस्य भोजबहादुर केसीले बताए ।
