८ भदौ, पाल्पा । शनिबार दिउँसो सुख्खा पहिरो खसेपछि सिद्धार्थ राजमार्गको पाल्पा– बुटवल खण्ड अवरुद्ध भएको छ ।
पाल्पाको तिनाउ गाउँपालिका–३ को माथिल्लो सिद्धबाबा क्षेत्रमा खसेको सुख्खा पहिरोले पाल्पा–बुटवल सडक अवरुद्ध भएको हो । ट्राफिक प्रहरी कार्यालय पाल्पाका हवल्दार नवीन भण्डारीले जानकारी दिए ।
ठूला ढुंगासहित खसेको पहिरोले सडक अवरुद्ध भएको र अहिले सिद्धबाबा सुरुङ मार्गको दुईवटा मेसिनले पहिरो हटाउन सुरु गरे पनि ढुंगासहितको पहिरो ठूलो भएको हुँदा सडक सञ्चालनमा आउन चार/पाँच घण्टा जति लाग्न सक्ने भण्डारीले बताए ।
अहिले दुबै तर्फका सवारी साधन बाटोमै रोकिएका छन् । अहिले पनि स साना ढुङ्गा खस्ने क्रम जारी रहेको हुँदा पहिरो पन्छाउन समस्या हुनसक्ने प्रहरीले जनाएको छ ।
