सुमन ज्ञवाली,
फुकुओका जापान – नेपाली नारीहरुको महान पर्ब हरितालिका तीजको अवसरमा फुकुओका नेपाल सोसाइटीले सधैका वर्ष जसरी यसवर्ष पनि नेपाल तथा जापानमै भएका चर्चित कलाकारहरुको साथमा “फुकुओका तिज फेस्टीबल २०२४” आयोजना गर्ने भएको छ ।
कार्यक्रम २०२४ अगस्ट ३१ तारिक शनिबारका दिन फुकुओकाको हाकाता वार्डमा भएको हाकाता सिमीन सेन्टर हलमा आयोजना हुनेभएको छ । १९९५ सालमा स्थापना भएको फुकुओका नेपाल सोसाइटीले स्थापना कालदेखि नै नेपाल र नेपालीहरुका विभीन्न चाड पर्वबिशेष कार्यक्रम आयोजना गर्दै फुकुओकामा बसोबास गर्ने नेपालीहरुको अभिभावकिय भुमीका निर्वाह गर्दै आइरहेको छ ।
यस वर्ष पनि विगतका वर्षमा जस्तै “फुकुओका तिज फेस्टीबल २०२४” कार्यक्रम आयोजना गर्न लागीएको फुकुओका नेपाल सोसाइटीअध्यक्ष इन्द्र प्रसाद घलेले जानकारी दिए ।
यस वर्षको तीज कार्यक्रमका लागी नेपालबाट ख्याती प्राप्त कलाकार राम्जी खाँड,समिक्षा अधिकारी र रुपा घर्ति मगर जापान आउदैछन भने फुकुओकामा बसोबास गर्ने कलाकारहरु गायक तथा सर्जक पुरुषोत्तम सिग्देल र माधव सिग्देलको पनि दमदार प्रस्तुती रहने छ। साथै विभीन्न अन्य सांस्कृतिक कार्यक्रमको पनि तयारी गरीएको संस्थाका सचिब उज्ज्वल बानियाँले बताए ।
