गोकर्ण पाण्डेय
गुल्मी । श्रावण महिनाको अवसरमा गुल्मीको प्रसिद्ध धार्मिक स्थल रेसुङ्गा महापोखरीमा स्नान गर्ने र यज्ञशालाको दर्शन गर्ने भक्तजनहरूको भीड बढ्न थालेको छ । महापोखरीमा स्नान र यज्ञशाला दर्शन गरे पुण्य प्राप्त हुने विश्वास छ ।
यहाँ आउने भक्तजनहरूले भजनकीर्तन, पूजा–आराधना गर्दै मन्दिरहरूको पनि दर्शन गर्ने गरेका छन् । साथै उनीहरूले अरूलाई पनि यस पवित्र कार्यमा सहभागी हुन प्रेरित गरिरहेका छन् ।
रेसुङ्गाको प्राकृतिक सौन्दर्य र धार्मिक महत्वले प्रत्येक वर्ष श्रावणमा हजारौं भक्तजनलाई आकर्षित गर्दै आएको छ । यो धार्मिक तथा पर्यटकिय स्थलको महत्व झनै बढाउँदै लैजाने योजनामा पनि काम भइरहेको रेसुङ्गाका पंण्डित गिरिराज पाण्डेले बताए ।
