बुटवल । गुल्मीको मदाने ७ मा सामान्य परिवारमा जन्मिएका कपिलमणी के सी सानैदेखि पढाइमा तिष्ण थिए । निरन्तरको मेहनत र साधनाको फल स्वरुप उनै के सी अहिले देशकै एक अब्बल डाक्टरको रुपमा स्थापित भैरहेका छन ।
सहयोगी ,मिलनसार र मिजासिलो स्वभावले भरिपुर्ण डा. कपिलमणी केसी ले देशका ठुला टिचिङ्ग अस्पताल काठमाडौं, सिभिल अस्पताल लगायतमा लामो समय काम गरेको अनुभव छ ।
हाल हाडजोर्नी तथा जोर्नी प्रत्यारोपण विशेषज्ञको रुपमा मर्सिसिटी अस्पताल बुटवलमा कार्यरत डा. कपिलमणी केसीले विगत दुई वर्षदेखि यस अस्पतालमा हड्डी तथा जोर्नी प्रत्यारोपण सर्जरी गरिरहेका छन । आज भन्दा १५ /२० वर्ष अगाडि सम्म राजधानीका सिमित अस्पतालहरुमा फाट्टफुट्ट मात्र हुने जोर्नी प्रत्यारोपण सर्जरी अहिले राजधानी बाहिरका केही अस्पतालहरुमा समेत हुने गर्दछ ।
जो बिरामीहरुलाई जोर्नी प्रत्यारोपण निकै नै आवश्यक छ, त्यस्ता बिरामीहरु पनि यो अपरेशन गर्न हिच्किचाउँछन् । आजको दिनसम्म आउँदा यो अपरेशन १५,२० वर्ष पहिला भन्दा निकै धेरै संख्यामा र पहिला भन्दा धेरै अस्पतालहरूमा हुने गरेको पाइन्छ।
हाडजोर्नी तथा जोर्नी प्रत्यारोपण विशेषज्ञको रुपमा मर्सिसिटी अस्पताल बुटवलमा कार्यरत डा.कपिलमणि केसीले विगत दुई वर्ष देखि यस अस्पतालमा सफल जोर्नी प्रत्यारोपण सर्जरी गरिरहेका छन् ।
डा केसीको नेतृत्वमा हालै मर्सिसिटी अस्पतालमा एउटा जटिल खालको हिप जोर्नी प्रत्यारोपण गरिएको छ । जसमा हिप जोर्नीको एउटा भाग (एसिटाबुलम) मा हड्डी राखेर जोर्नी प्रत्यारोपण गरिएको हो ।
उक्त अपरेशनमा एनेस्थेसिया र क्रिटिकल केयरको विभाग डा.समिर आचार्यले सम्हालेका थिए भने फिजिसियनको जिम्मेवारी डा.प्रविन शाहीले लिएका थिए । त्यसैगरी सर्जरी विभागमा डा.कपिलमणि केसीलाई डा.निशान्त बाँस्कोटाले सघाएका थिए ।
राजधानी बाहिर यति ठूलो अपरेशन गर्नको लागि एउटा ठूलो टिमको साथसाथै जोर्नी प्रत्यारोपण अपरेशनमा राम्रो दक्षता र साहसको पनि जरुरत पर्दछ ।
डा केसीले बेलायतबाट एफआरसी एस र अमेरिकाबाट एफएसीएसको उपाधि पाउनुको साथसाथै पेकिङ युनिभर्सिटी चीनबाट जोर्नी प्रत्यारोपणमा फेलोशिप ट्रेनिङ गरेका थिए ।
यसका साथै उनीसँग निजामती कर्मचारी अस्पतालमा दश वर्षसम्म काम गर्दा एक हजार भन्दा बढी जोर्नी प्रत्यारोपण अपरेशनमा सहभागी भएको अनुभव छ ।
डा.केसीले जोर्नी प्रत्यारोपण सेवा काठमाडौँमा पनि उनको टिमका सदस्य डा.दीर्घराज आरसीसँग मिलेर गरिरहेको बताउछन ।
