राष्ट्रिय परीक्षा बोर्ड, परीक्षा नियन्त्रण कार्यालय माध्यमिक शिक्षा परीक्षा एसईईको नतिजा प्रकाशन गर्ने तयारीमा जुटेको छ ।
केहि समय अगाडीको शिक्षक महासंघको आन्दोलनको कारण नतिजा प्रकाशनमा केही ढिलाई हुन गइ असार तेस्रो साता सार्वजनिक गर्ने तयारी भइरहेको हो । नतिजा हेर्नका लागि कार्यालयले विभिन्न विकल्पहरू सार्वजनिक गरेको छ ।
नतिजा प्रकाशनका लागि सरकारी तथा निजी क्षेत्रका विभिन्न संस्थालाई स्वीकृति प्रदान गर्दै बोर्डले एक सूचना प्रकाशित गरेको छ । बोर्डले एसईई नतिजा थाहा पाउन सकिने वेबसाइट, एसएमएस र आईभीआरका विकल्प उपलब्ध गराएको हो ।