गुल्मीको मदाने गाउँपालिकाले आर्थिक वर्ष २०८२/०८३ का लागि ५४ करोड ९४ लाख रुपैयाँ बराबरको वार्षिक बजेट प्रस्तुत गरेको छ ।
असार १० गते मङ्गलवार पुर्कोटदहस्थित पालिकाको सभाहलमा बसेको गाउँसभाको १७ औँ अधिवेशन अन्तर्गतको दोस्रो बैठकमा उपाध्यक्ष सरिता खड्काद्धारा आगामी वर्षको बजेट प्रस्तुत गरिएको थियो ।
गाउँपालिकाका सूचना अधिकारी सुशील पोख्रेलका अनुसार सोही बैठकमा मदाने गाउँपालिकाको विनियोजन विधेयक र आर्थिक विधेयक २०८२ पनि पेश गरिएको थियो ।
बजेटले शिक्षा, स्वास्थ्य, खानेपानी, रोजगारी तथा कृषि क्षेत्रलाई प्राथमिकतामा राखेको तथा नीति तथा कार्यक्रम अनुसार आवश्यकता अनुसार समग्र क्षेत्रलाई समेट्ने गरी बजेट तयार पारिएको सुचना अधिकारी पोख्रेलले बताए ।
