१० असार बुटवल । रोटरी क्लव अफ बुटवलले रुपन्देहीको सैनामैना १ मा रहेको श्री दुर्गा भवानी माध्यमिक विधालयका विधार्थीहरुलाई शैक्षिक सामाग्री हस्तान्तरण गरेको छ ।
असार १० गते (आज) रोटरी क्लव अफ बुटवलले यस विधालयका ६० जना विधार्थीहरुलाई कापि, पेन्सिल लगायत शैक्षिक सामाग्री हस्तान्तरण गरेको हो ।
शैक्षिक सामाग्री हस्तान्तरण कार्यक्रममा बोल्दै यस विधालयका व्यवस्थापन समितिका अध्यक्ष चिन्तामणी भुशालले सैनामैना नगरपालिकाले पनि हेर्न नसकेको वेलामा यो संस्था रोटरी क्लव अफ बुटवलले यो विधालयलाई पटक पटक सहयोग गरेकोमा धन्यवाद व्यक्त गरेका थिए ।
रोटरी क्लव अफ बुटवलका २०२४/२५ का प्रेसिडेण्ट रोटरियन प्रज्वल थान्जुले यस विधालयलाई यस प्रकारको सहयोग गर्न पाएकोमा खुसी व्यक्त गरेका थिए । साथै उनले यस प्रकारको सहयोग आगामी दिनमा पनि निरन्तर गर्ने समेत बताए ।
कार्यक्रममा रोटरी क्लव अफ बुटवलका प्रेसिडेण्ट रोटरियन प्रज्वल थान्जु, विधालयका व्यवस्थापन समितिका अध्यक्ष चिन्तामणी भुशाल, रोटरी क्लव अफ भाटाका प्रेसिडेण्ट पुष्कर भुशाल, रोटरी क्लव अफ बुटवलका बोर्ड सदस्यहरु, शिक्षक तथा रोटरी क्लव अफ भाटाका इलेक्टेड प्रेसिडेण्ट सुर्य विक्रम राना, रोटरी क्लव अफ भाटाका सेक्रेटरी खिम खड्का, शिक्षक, विधार्थीहरुको उपस्थिति रहेको थियो ।
यस विधालयमा रोटरी क्लव अफ बुटवलले रोटरी क्लव अफ भाटाको संयोजनमा विगतका दिनहरुमा शौचालय निर्माण, छात्रवृद्धी प्रदान लगायतका कार्यहरु गर्दै आएको छ ।
