अनिल नेपाली
नेकपा एकीकृत समाजवादी पार्टीका उपाध्यक्ष तथा पुर्व मन्त्री एवम प्रतिनिधि सभाका सांसद प्रकाश ज्वालाले सरकारले गर्नुपर्ने काम नगरेको कारण बर्तमान व्यवस्था प्रति जनताको गुनासा र आक्रोश बढेको बताएका छन ।
एकीकृत समाजबादी अर्घाखाँचीको ८ ओैँ जिल्ला अधिवेशनको उद्धघाटन गर्दै नेता ज्वालाले यस्तो बताएका हुन् । नेता ज्वालाले देशको अर्थतन्त्र अत्यन्त संकटपूर्ण अवस्थामा रहेको बेला वर्तमान सरकारले महँगी, भ्रष्टाचार, घूसखोरी र ढिलासुस्तीलाई बढावा दिएको बताए ।
उनले अहिलेको सरकार सरकार अपारदर्शी र अलोकतान्त्रिक तरिकाले बनेकोले देशमा भ्रष्टाचारका शृङ्खला बढेको भ्रष्टाचारको सुचीमा समेत गत साल भन्दा यस बर्ष सरकार अगाडि रहेकोले जनतामा अहिले निकै ठूलो आक्रोश छ र असन्तु्ष्टि भएको बताए ।
“सडकमा जनता विभिन्न रुपले आन्दोलनमा आइरहेकै छन ।शिक्षकहरु आन्दोलनमा छन डाक्टरहरु आन्दोलनमा छन्, नर्सहरु आन्दोलनमा छन् । सरकारमा भए भन्दा बाहिरका पार्टीहरु प्रायः सबै सडकमै छन” नेता ज्वालाले भने ।
