भारतको लखनउ बाट भ्रमणका लागि पोखरा जाँदै गरेको युपी ३२ एमएन ९६६६ नम्बरको बस दाङमा दुर्घटना हुँदा २१ जना घाइते भएका छन् ।
कोइलाबास लमही सडक खण्डको गढवा गाउँपालिका–५ चिसापानीमा दुर्घटना हुँदा बसमा सवार २१ जना घाइते भएको इलाका प्रहरी कार्यालय गढवाका प्रहरी प्रमुख कालिका कार्कीले जानकारी दिइन् ।
घाइतेको अवस्था सामान्य रहेको र प्राथमिक उपचार पश्चात उनिहरु भारत तर्फ नै गएको र चालक प्रहरीको नियन्त्रणमा रहेको निरिक्षक कार्कीले बताइन ।
चिसापानीको ओरालोमा बस अनियन्त्रित भएर दुर्घटना भएको र बसमा २५ जना यात्रु सवार रहेको प्रहरीले बताएको छ । घाइतेहरूलाई उपचारका लागि लमही अस्पताल लगिएको छ ।
