रुपन्देहीको शुद्धोदन गाउँपालिका कार्यालयको आयोजनामा र शुद्धोदन सहकारी सञ्जालको समन्वयमा मर्यादित सहकारीः समुन्नत समाज’ भन्ने मूल नाराका साथ ६८ औं राष्ट्रिय सहकारी दिवसको अवसरमा सहकारी शिक्षा तथा वित्तिय साक्षरता तालिम सम्पन्न भएको छ ।
मंगलबार पालिकाको सभाहलमा सम्पन्न कार्यक्रममा शुद्धोदन गाउँपालिका अध्यक्ष विष्णु प्रसाद बस्यालले यस वर्षको राष्ट्रिय सहकारी दिवस‘मर्यादित सहकारी: समुन्नत समाज’ भन्ने थीमका साथ मनाउन लागिएको र ‘यस अभियानको उद्देश्य सहकारीलाई वित्तीय अनुशासन, सुशासन, पारदर्शिता, स्वावलम्बन, सामाजिक उत्तरदायित्व जस्ता मूल्य मान्यतामा आधारित बनाई नेपाली समाजको समृद्धि र समान अवसरयुक्त आर्थिक विकासमा टेवा पुर्याउन शुद्धोदन सहकारी संजालले सुरुवात गर्ने बताउनुभयो ।
शुद्धोदन गाउँपालिका उपाध्यक्ष शान्तादेवी ज्ञवाली,शुद्धोदन गाउँपालिका कार्यालय प्रमुख प्रशासकीय अधिकृत विष्णु घर्ती,पालिकाका विभिन्न सहकारी सङ्ग सम्बध्द व्यक्तित्व लगायतको उपस्थितिमा सो कार्यक्रम सम्पन्न भएको थियो । कार्यक्रम शुद्धोदन सहकारी सञ्जालका अध्यक्ष लेख बहादुर खत्रीको अध्यक्षतामा सम्पन्न भएको थियो ।
