राष्ट्रिय प्रजातन्त्र पार्टीबाट निर्वाचित सांसद दीपक बोहराको निधन भएको छ । बोहरा राष्ट्रिय प्रजातन्त्र पार्टी (राप्रपा) का वरिष्ठ नेता एवं पूर्वमन्त्री समेत हुन् ।
काठमाडौंको चाबहिल स्थित ओम अस्पतालमा उपचारको क्रममा बोहराको निधन भएको राप्रपा नेपालका महामन्त्री राजाराम बर्तौलाले जानकारी दिए ।
बोहरा रुपन्देही क्षेत्र नम्बर ३ बाट निर्वाचित सांसद हुन् । उनले निर्वाचनमा नेपाली कांग्रेसका उम्मेदवार तथा तत्कालीन बहालवाला गृहमन्त्री बालकृष्ण खाँणलाई पराजित गरेका थिए ।
पछिल्लो समय पोस्ट कोभिड पछि उनको घाँटी र स्वास्थ्यमा एकाएक समस्या देखा परेको थियो । उनले भारत, अमेरीका र नेपालका बिभिन्न अस्पतालहरुमा उपचार गर्दै आइरहेको थिए ।
