काठमाडौं महानगरपालिकाले पूर्वराजा ज्ञानेन्द्र शाहको नाममा विभिन्न शीर्षकमा ८ वटा पत्र काट्दै जरिवाना तोकेको छ । हिजो(शुक्रबार) काठमाडौंको तीनकुनेमा भएको राजावादीहरुको हिंसात्मक प्रदर्शनको क्रममा भएका तोडफोड, आगजानी, फोहोर लगायतका बिषयलाइ मध्यनजर गर्दै काठमाडौं महानगरले उक्त पत्र काटेको हो ।
महानगरले पूर्वराजा ज्ञानेन्द्रलाई वातावरण तथा प्राकृतिक स्रोत संरक्षण ऐन अन्तर्गत १ लाख, रूख विरुवा रेलिङ तोडफोड गरेवापत ४० हजार, तीनकुनेको आइल्याण्डमा तोडफोड गरेवापत २३ हजार, फोहोर मैला गरी वातावारण प्रदुषण गरेवापत १ लाख, ढुङ्गामुडा गरी दमकल फुटाएवापत १ लाख ३० हजार गरी विभिन्न शीर्षकमा ७ लाख ९३ हजार जरिवाना काटेको छ ।
राजावादी समूहको हिंसात्मक प्रदर्शनको क्रममा एक जना पत्रकार सहित २ जनाको मृत्यु समेत भएको थियो । प्रदर्शनकारीले विभिन्न ठाउँमा तोडफोड, आगजनी र लुटपाट गरेका थिए ।
