युगाण्डामा जारी चार देशीय महिला टी–ट्वान्टी क्रिकेट सिरिजमा नेपालले आज युगाण्डासँग प्रतिस्पर्धा गर्दैछ । खेल युगाण्डाको एन्टेब्बे क्रिकेट ओभलमा नेपाली समय अनुसार अपराह्न पौने ५ बजे सुरु हुनेछ ।
यस अगाडी हङकङसँग एक र नामिबिया सँग दुई हार भोगेको नेपालले युगाण्डालाई हराएको थियो । अब नेपालले चैत १ गते हङकङ विरुद्ध खेल्ने तालिका रहेको छ ।
हालसम्म खेलेका ४ मध्ये तीन खेलमा पराजित भएको नेपालका लागि आजको खेल जित्नै पर्ने दबाब छ । शीर्ष २ मा परेर फाइनल खेल्ने सम्भावना कायमै राख्न नेपाललाई जितको विकल्प हुनेछैन ।
