अर्घाखाँचीको मालारानी गाउँपालिका २ कुभिन्डेमा जिप दुर्घटना हुँदा चालकको मृत्यु भएको छ ।
बुटवल बाट मालारानी गाउँपालिका २ ढाणचौर जाँदै गरेको लु १ ज ४२२६ नम्बरको जिप मंगलबार दिउँसो १२ बजे तिर सडकबाट करिब ४०० मिटर तल खस्दा दुर्घटना भएको थियो ।
दुर्घटनामा जिपका चालक, मालारानी–२ निवासी ५० वर्षीय कृष्णलाल मरासिनी गम्भीर घाइते अवस्थामा फेला परेका थिए ।इलाका प्रहरी कार्यालय खन अर्घाखाँचीबाट प्रहरीको टोली घटनास्थलमा पुगेर उनलाई उद्धार गरी उपचारका लागि गुल्मी अस्पताल पठाइएको थियो ।
उपचारका क्रममा उनको मृत्यु भएको अर्घाखाँचीका प्रहरी प्रमुख प्रहरी नायब उपरीक्षक चक्र मल्लले जानकारी दिएका छन ।
