नेकपा माओवादी केन्द्रका सांसद माधव सापकोटाले तत्कालीन प्रचण्ड नेतृत्वको सरकारका पालामा आएको चालु आर्थिक वर्षको बजेटमा उल्लेखित गाँजा खेतीलाई वैधानिकता दिने कुरा तत्काल कार्यान्वयनमा लैजान माग गरेका छन् ।
मंगलबार बसेको प्रतिनिधि सभा बैठकको शून्य समयमा बोल्दै सांसद सापकोटाले तत्कालीन अर्थमन्त्री वर्षमान पुनले ल्याएको बजेटको बुँदा ४९ मा उल्लेख गरिएको गाँजा खेतीको वैधानिकता बारेको कुरा तत्काल कार्यान्वयनमा लान माग गरेका हुन ।
