बागमती प्रदेश सरकारले गाईजात्राको अवसरमा भदौ ४ मा सार्वजनिक बिदा दिने निर्णय गरेको छ।
शुक्रबार बसेको बैठकले ४ भदौमा मनाइने गाईजात्रा पर्वको अवसरमा प्रदेशभर सार्वजनिक बिदा दिने निर्णय गरेको हो।
प्रदेशका आन्तरिक मामिला तथा कानुनमन्त्री सुरजचन्द्र लामिछानेले गाईजात्रा प्रदेशमा मनाइने महत्त्वपूर्ण पर्व रहेकाले प्रदेश सरकारीकामकाजी भाषा ऐन, २०८० अनुसार सार्वजनिक बिदा दिने निर्णय गरेको जानकारी दिए।
मन्त्री लामिछानेका अनुसार उक्त निर्णयसँगै बागमती प्रदेशमा ४ भदौमा गाईजात्राको दिन सार्वजनिक संस्थान, विद्यालय, निजीसंघसंसथाहरू बन्द रहनेछन्।
यसैबीच शुक्रबारको मन्त्रिपरिषद् बैठकले बागमती प्रदेश सरकारको प्रवक्ताको जिम्मेवारी आन्तरिक मामिला तथा कानुनमन्त्री सुरजचन्द्रलामिछानेलाई दिएको छ ।
लामिछाने गत १२ साउनमा प्रदेशको आन्तरिक मामिला तथा कानुनमन्त्री नियुक्त भएका थिए ।
