अनिल नेपाली
अर्घाखाँचीमा प्रजातन्त्र दिवसको पुर्व सन्ध्यामा सदरमुकाम सन्धिखर्कको शान्ति बगैचामा दिव प्रज्जलन गरिएको छ । कार्यक्रम जिल्ला समन्वय समितिका प्रमुख तथा मुल समारोहका संयोजक जिवनारायण कोइरालाको प्रमुख आतिथ्यतामा सम्पन्न भएको थियो ।
कार्यक्रममा मन्तब्य राख्दै कोईरालाले मुलुकमा विधिको शासन ल्याउनको लागि प्रजातान्त्रको महत्वपुर्ण भुमिका रहेको बताउदै २०४६।४७ सालको आन्दोलनमा प्रजातन्त्रका पक्षमा वकालत गर्ने प्रती उच्च सम्मान सहित जहानिया राणा शासनको अन्तयका लागि आफ्नो ज्यानको आहुति दिने सम्पुर्ण सहिदहरुलाई सम्झदै उनिहरुले गरेको बलिदानीका कारण नेपालमा प्रजातन्त्र आएको बताए ।
कार्यक्रममा सन्धिखर्क नगरपालिका नगर उप प्रमुख मिश्रा आचार्य, जिल्ला प्रशासनका प्रशासकीय अधिकृत नुमलाल पन्थी, सन्धिखर्क नगरपालिका निमित्त प्रशासकीय अधिकृत मन्जु खनाल , नेकपा एमालेका नेता सिद्वि प्रसाद भुसाल , नेकपा माओवादीका सन्धिखर्क नगर अध्यक्ष कुष्णहरि भुसाल, सुरक्षा निकायका प्रमुख, संचारकर्मी लगायतको सहभागीता रहेको थियो ।
