गुल्मी– गुल्मीको इस्मा गाउँपालिका– २ टारमा जेसिबीले पल्टाएको ढुंगाले लागेर स्कुल हिँडेकी बालिकाको ज्यान गएको छ ।
छल्दीबाट हस्तीचौर जाने भित्री कच्ची सडक खन्ने क्रममा श्रेष्ठ कन्स्ट्रक्सनको जेसिभीले पल्टाएको ढुंगाले लागेर आठ वर्षीया बालिका विष्णु कुमालको मृत्यु भएको जिल्ला प्रहरी कार्यालय गुल्मीले जनाएको छ ।
जेसिबी चालक मकवानपुर इन्द्रचौर गाउँपालिका– ४ सिस्नेरीका ३६ वर्षीय राजेश रेग्मीलाई प्रहरीले नियन्त्रणमा लिएको छ।बालिका पालुखा माविमा अध्ययन गर्दै आएकी छिन् । स्कुल समयमा पनि जेसिबी चलेको र घाइते छोरीको समयमै उद्धार नभएको भन्दै बुबा ज्ञानबहादुर कुमालले दुख व्यक्त गरे । बालिकाको शव गुल्मी अस्पतालमा राखिएको छ ।
