राष्ट्रिय प्राकृतिक श्रोत तथा बित्त आयोगले गरेको स्थानीय सरकारहरुको कार्यसम्पादन मुल्यांकनको नतिजामा धुर्कोट गाउँपालिका देशभरका ४६० गाउँपालिकामा छैटौं स्थानमा पर्न सफल भएको छ ।
त्यस्तै देशभरका गाउँपालका र नगरपालिका गरी ७५३ स्थानीय सरकारहरुमा १० औँ स्थानमा पर्न सफल भएको छ भने लुम्बिनीका सम्पुर्ण गाउँपालिकालाइ पछाडी पार्दै प्रथम स्थानमा पर्न सफल भएको पालिका अध्यक्ष भुपाल पोख्रेलले बताए ।
गत बर्ष १० औँ स्थान र त्यो भन्दा अघिल्लो बर्ष तेस्रो स्थानमा परेको पालिका यस पटक छैटौँ स्थानमा पर्न सफल भएको अध्यक्ष पोख्रेलले बताएका छन ।
पटक पटक हरेक मुल्याङ्कनमा पर्न सफल हुनुको पछाडि पालिकामा जनप्रतिनिधी र कर्मचारीहरुको महत्वपुर्ण हात र समग्र पालिकाका जनताहरुको साथ र सहयोग रहेको भन्दै पालिका अध्यक्ष पोख्रेलले सबैलाइ बधाई तथा धन्यवाद व्यक्त गरेका छन ।
