मोहन पौडेल
२८ माघ बुटवल । बुटवलको लुम्बिनी वाणिज्य क्याम्पसमा सोमबार स्वागत तथा सम्मान कार्यक्रम सम्पन्न भएको छ ।
बिबिए फाइनान्स एण्ड एकाउन्टिङ तेस्रो, पाचौ तथा सातौ सेमेस्टर लुम्बिनी वाणिज्य क्याम्पसको आयोजनामा प्रथम सेमेस्टरका नव आगन्तुक विद्यार्थीहरुलाई स्वागत तथा आठौ सेमेस्टरका विद्यार्थीहरुलाई सम्मान गरिएको हो ।
कार्यक्रममा प्रमुख अतिथि एवं लुम्बिनी वाणिज्य क्याम्पस, संचालक समितिका अध्यक्ष सुरेन्द्र प्रसाद श्रेष्ठ, विशिष्ट अतिथि एवं क्याम्पस प्रमुख प्रा.डा. ताराप्रसाद उपाध्याय, बिबिए कार्यक्रम इन्चार्ज उपप्राध्यापक तुल्सी प्रसाद भुसाल, स्ववियु अध्यक्ष विजय कार्की लगायतले आ-आफ्नो भनाइ राख्नुभएको थियो ।
विद्यार्थी रागिनी अग्रहरीको अध्यक्षतामा भएको औपचारिक कार्यक्रमको सञ्चालन विद्यार्थी कृति पौडेल र शिशिर खनालले गर्नुभएको थियो । सो अवसरमा विभिन्न खेलकुद प्रतियोगिताका विजयीहरुलाई पुरस्कार वितरण, नवआगन्तुक विद्यार्थीहरुलाई र विदाइ भएर जाने विद्यार्थीहरुलाई मायाको चिनो सहित सम्मान पनि गरिएको थियो ।
