रुपन्देही को सोमार्जुन प्रतिष्ठानले रक्तदान कार्यक्रमको आयोजना गरेको छ । तिलोत्तमा नगरपालिका–३, सीता राइस मिल स्थित संस्थाको कार्यालय परिसरमा कार्यक्रम सञ्चालन गरिएको थियो ।
कार्यक्रमको आयोजना सोमार्जुन प्रतिष्ठानले गरेको हो भने सह–आयोजकमा रोयल एकाउन्टिङ एण्ड कन्सल्टिङ प्रा.लि. रहेको छ । प्राविधिक सहयोग नेपाल रेडक्रस सोसाइटी, रक्त सञ्चार सेवा केन्द्र, भैरहवाले गरेको छ । सहयोगी संस्थाहरुमा नेपाल नियमित रक्तदाता संघ रूपन्देही, मिगन लाइफ, पाठक फुड प्रोडक्ट्स प्रा. लि. तथा क्लोथ एंड फूड बैंक नेपाल रहेका छन् ।
कार्यक्रममा ४० युनिट रक्त संकलन गरिएको आयोजकले जनाएको छ । प्रमुख अतिथिमा तिलोत्तमा नगरपालिका वडा नम्बर ३ का वडा अध्यक्ष कल्याण पौडेल रहेका थिए ।
पाठक फुड प्रोडक्ट्स प्रा. लि. का सञ्चालक तेज कुमार पाठक तथा रोयल एकाउन्टिङ एण्डकन्सल्टिङ प्रा.लि. का अध्यक्ष प्रकाश काफ्ले रेडक्रस भैरहवाका पदम बस्याल, नेपाल नियमित रक्तदाता संघ रूपन्देहीका आशेशसिलवाल र लायन्स क्लब अफ शंकरनगरका अध्यक्ष पुरुषोत्तम आचार्यको सहभागिता रहेको थियो ।
कार्यक्रमको अध्यक्षता सोमार्जुन प्रतिष्ठानका अध्यक्ष सोमनाथ पाठकले थिए । कार्यक्रम संयोजन तथा सञ्चालन सोमार्जुन प्रतिष्ठानका संस्थापक तथा प्रमुख कार्यकारी अधिकृत अर्जुन पाठकले गरेका थिए । कार्यक्रम सहिद दिवशको अवसरमा आयोजना गरिएको थियो ।
