बर्दघाट, नवलपरासी – (बर्दघाट–सुस्ता पश्चिम), नेपाल र क्लोथ एण्ड फूड बैंक नेपाल बीच सम्झौता भएको छ । जेसीआई बर्दघाट, नवलपरासी र क्लोथ एण्ड फूड बैंक नेपाल बीच बर्दघाट नगरपालिका को सहकार्यमा क्लोथ बैंक सञ्चालन गर्ने सम्झौता भएको हो ।
जेसीआई बर्दघाट बर्ष २०२४ का अध्यक्ष जेसी युबराज चापागाईं ले मानव सेवाको लागि “पुरानो कपडालाई पुनः प्रयोग” भन्ने मुलनाराका साथ सुरु हुने यो अभियानले बर्दघाट बासीको हितमा हुने विश्वास व्यक्त गर्नुभयो ।
बर्दघाट नगरपालिकाको विभिन्न उपयुक्त स्थानमा संकलन बक्स राखिने र संकलित कपडाहरूलाई पुनः रिसाइकलिङ्ग गरी आवश्यकताका आधारमा वितरण गरिने देशका सातै प्रदेशमा सञ्चालन हुन लागेको यो अभियानको जेसीआई बर्दघाटलाइ क्लोथ एण्डफूड बैंक नेपालले सो अवसर प्रदान गरेकोमा नवनिर्बाचित अध्यक्ष जेसी मोहन सापकोटाले खुसी समेत व्यक्त गर्नुभयो ।
जेसीआई बर्दघाट का सस्थापक अध्यक्ष जेसी राजु न्यौपानेले यो परोपकारी कार्यमा जोडिन यस क्षेत्रमा रहेका सम्पूर्ण संघ सस्था साथै नगरपालिकाबासी सबैलाई अनुरोध समेत गर्नुभयो । बर्दघाट नगरपालिकामा पहिलो पटक सुरु गर्न लागेको क्लोथ बैंकमा आफ्नो घरमा भएका पुरानो कपडा हुनेहरूले दान गर्न सक्ने छन् भने आवश्यक पर्नेहरूले निःशुल्क लिन सकिने भएको छ ।
त्यस्तै सम्झौता पत्रमा हस्ताक्षर गर्दै क्लोथ एण्ड फूड बैंक नेपालका अध्यक्ष कमल जि.सी.ले आगामी दुई बर्षमा कपडा विहीन मुक्तबनाउने र २०८२ सम्ममा देशभर फूड एम्बुलेन्स समेत सञ्चालन गर्ने योजना बनाएको र अहिले सम्म १६४ स्थानीय सरकार यो अभियानमा जोडिएको जानकारी दिनुभयो । सम्झौता पत्र हस्ताक्षर समारोहमा जेसीआई बर्दघाटका पूर्व अध्यक्ष जेसी दिनेश न्यौपाने, जेसी गणेश पाण्डेय लगायत अन्य पदाधिकारीले यस अभियानको पूर्ण सफलताको शुभकामना समेत दिनुभएको थियो ।
