सैनामैना खानेपानी तथा सरसफाइ उपभोक्ता संस्था द्वारा महिलाहरुको पाठेघर तथा स्तन क्यान्सर सम्बन्धी एक दिने निसुल्क स्वास्थ्यशिविर सम्पन्न भएको छ ।
सैनामैना खानेपानी तथा सरसफाइ उपभोक्ता संस्थाको कार्यालय परिसरमा सम्पन्न गरिएको स्वास्थ्य शिवरमा १३९ जना महिला दिदि बहिनिहरुले स्वास्थ्य परिक्षण गरि निशुल्क औषधी उपचार सेवा लिएको संस्थाका सचिव शुसिल भण्डारीले बताए । उनका अनुसार परिक्षण पश्चात १७ जना महिलाहरुको भि आई ए पोजिटिभ, ४ जना महिलाको पाठेघर खसेकोसमस्या भएको पाइएको छ ।
शिविरमा लुम्बिनी अञ्चल अस्पतालका बरिष्ठ प्रसुति तथा महिला रोग बिशेषज्ञ डा.बबिता थापा,मेडिकल अधिकृत डा.सुरेश क्षेत्री , डा.पृया क्षेत्री तथा सैनामैना नगर अस्पताल, सैनामैना १ आधारभुत स्वास्थ्य सेवा केन्द्रका स्वास्थ्य कर्मिहरुको प्राबिधिक सहयोग रहेको संस्थाका अध्यक्ष यक बहादुर क्षेत्रीले बताए ।
कार्यक्रममा वडा नं १ वडा अध्यक्ष भुवन बहादुर क्षेत्री, वडा नं २ का वडा अध्यक्ष अमर बहादुर कँडेल,आमा समुहका अध्यक्ष तथा टोल समिति अध्यक्ष लगायत अन्य सामाजिक ब्यक्तित्वहरुको उपस्थिति रहेको थियो । डा.बबिता थापा द्वारा महिलाहरुको पाठेघर तथा स्तन क्यान्सर सम्बन्धी सचेतना मुलक स्वास्थ्य सन्देश दिइएको थियो ।
उक्त शिविरमा प्रभु बैंक मुर्गिया साखा , नगर स्वास्थ्य साखा बुद्धनगर,सैनामैना नगर अस्पताल मुर्गिया, आधारभूतस्वास्थ सेवा केन्द्र सैनामैना १, एप्पल प्याथ ल्याब मुर्गिया,खेम इन्टर्प्राइजेज प्रा.लि.बुटवल, नेसनल हेल्थ केयर, बोलबम मेडिसिन डिस्ट्रीब्युटर्स बुटवल, त्रिदेव सर्जिकल ट्रेड लिन्न्क बुटवल लगायत संघ संस्थाहरुको सहयोग रहेको संस्थाका अध्यक्ष क्षेत्रीले बताए ।
कार्यक्रम संस्थाका अध्यक्ष यक बहादुर क्षेत्रीको अध्यक्षता,कार्यक्रम संयोजक जयलाल बिसिको स्वागत मन्तब्य र सचिब सुशिलभन्डारीको सन्चालनमा सम्पन्न भयको थियो ।
