२७ असोज, गुल्मी – गुल्मीको मदाने गाउँपालिकाले विजया दशमी तथा दिपावली २०८१ को अवसरमा शुभकामना आदान प्रदान तथा भेटघाट कार्यक्रम सम्पन्न गरेको छ ।
बडा दशैको अर्को दिन असोज २७ गते पृथ्वी माध्यमिक विधालयको हलमा सम्पन्न कार्यक्रममा बिभिन्न राजनितिक दलका प्रमुख तथा प्रतिनिधि, जनप्रतिनिधीहरु,मदानेमा जन्मिएर देशका बिभिन्न स्थानहरुमा सेवा गर्दै आइरहनुभएका राष्ट्रसेवक कर्मचारीहरु,पत्रकार,सुरक्षा निकायका प्रतिनिधिहरु र स्थानियहरुको सहभागिता रहेको थियो ।
शुभकामना आदान प्रदान कार्यक्रममा गाउँपालिका उपाध्यक्ष सरिता खड्काले मदानेले राजनितिक नेतृत्व,राष्ट्रसेवक कर्मचारी र अन्य क्षमतावान ब्यक्तित्वहरु जन्मायो तर दिन प्रतिदिन मदानेबाट पलायनता बढिरहेको प्रति दुख ब्यक्त गरिन ।
शुभकामना आदान प्रदानकार्यक्रममा मन्तब्य राख्दै बिभिन्न दलका प्रतिनिधि लगायत सहभागीहरुले यहाँका जनप्रतिनिधीहरु सन्तुष्ट हुने समय र परिस्थिति नभएको र गाउँपालिकाले जनता सन्तुष्ट हुनेगरि काम गर्न सुझाव दिएका थिए साथै उनिहरुले जनताको अपेक्षा अनुरुप जनप्रतिनिधीहरु चल्न नसकेकोमा गुनासो समेत ब्यक्त गरेका थिए ।
शुभकामना आदान प्रदान कार्यक्रमको अध्यक्षता गाउँपालिका अध्यक्षमहेन्द्र कुवँरले गरेका थिए भने कार्यक्रमको संचालन डिल्ली भट्टराइले गरेका थिए।