अनिल नेपाली
अर्घाखाँचीको नरपानी प्रहरी चौकी र अस्थायी ट्राफिक प्रहरी कार्यालय नरपानीको संयुक्त पहलमा आज सुपादेउराली बजारमा मापदण्ड भन्दा बढी मात्रामा ढुङ्गा बोक्ने टिपरहरूलाई कारबाही गरिएको छ ।
साथै मापदण्ड भन्दा बढि बोक्ने सबारी साधनलाई जुनसुकै समयमा कारबाही गराई सचेत समेत गराईने नरपानी चौकी प्रमुख प्रहरी सहायक निरिक्षक अर्जुन बस्नेतले बताए । बस्नेतले चाडपर्वको समयमा यात्रुलाई सबारी साधनमा पर्ने असुविधा तोकेभन्दा बढि भाडा लिने, सिट क्षमता भन्दा बढि यात्रु बोक्ने सवारी साधनलाई कारबाही गरिने समेत बताए ।
जनताको शान्ति सुरक्षा प्रति आफुहरू प्रतिबद्ध रहेको बताउँदै चाडपर्वको बाहनामा असुरक्षित महशुस गरेर कसैलाई यात्रा नगर्न आग्रह गदै सुरक्षाको प्रत्याभुति दिलाउनु आफ्नो कर्तव्य भएको बताउदै ट्राफिक नियम प्रति सबै जिम्मेवार हुनुपर्ने ट्राफिक प्रहरी दिपक भुसालको भनाइ रहेको छ ।
