अबिरल बर्षात पछि देशभरको जन जिवन अत्यन्तै प्रभावित बन्यो । देशभर सयौँ नागरिकले अकालमै आफ्नो ज्यान गुमाए अहिलेसम्म पनि दर्जनौँ नागरिक बेपत्ता छन र दर्जनौँ घाइते छन ।
देशभर ठुलो मात्रामा धनजनको क्षती सङ्गै हजारौँ नागरिकहरु बाढी र पहिरोको चपेटामा परेर बिस्तापित हुन पुगेका छन । कैयौँका घरहरु बगे,कैयौँका खाध्यान्य,लत्ताकपडा सहित अन्य भौतिक संरचनाहरु ध्वस्त भए । यस्तो अवस्थामा कैयौँ सामाजिक संघ संस्थाहरु बाढी पहिरो प्रभावित क्षेत्रहरुमा उद्धार तथा खाध्यान्न लगायतका अन्य बस्तुहरुको सहयोगमा जुटे ।
त्यही सिलशिलामा बिगत देखि अहिलेसम्म निरन्तर सामाजिक सेवामा सकृय लायन्स इन्टरनेशनल क्लब ( लायन्स ३२५ आइको नेपाल) पनि सकृय रुपमा पिडितहरुको घाउमा मलम लगाउने कार्यमा लागीरहेको छ । बाढी र डुवान लगत्तै असोज १३ गते लायन्स ३२५ आईको आह्वानमा लायन्स क्लव अफ काठमाण्डौ गोल्डेन हर्टले बाडी पहिरो बाट पिडीत व्यक्तिहरुलाई खाना बितरण गर्यो ।
पहिलो चरणमा क्लवले १३ गते साँझ LCIF यरिया लिडर लायन राजन लम्साल, यरिया फस्ट VDG लायन पार्वती खरेल पाण्डे, पियारो इन चिफ लायन बिष्णु भन्डारी,लायन बिना श्रेष्ट, लायन सशी भुमी श्रेष्ट,लायन चक्रवहादुर न्यौपाने,लायन केदार प्रसाद न्यौपाने लगायतको उपस्थितीमा बल्खुमा करीव ४०० जना बढी र थापाथलीमा रहेको सुकुम्बासी बस्तीमा २५० जतिलाइ खाना खुवाइएको पियारो इन चिफ ( प्रबक्ता ) लायन बिष्णु भण्डारीले बताए । यो कार्यमा लायन्स ३२५ आइको नेपालकै प्रमुख LCIF लायन राजन लम्साल सहित अन्य जिम्मेवार लिडरहरुको सहभागिता रहेको बताए ।
दोश्रो दिन असोज १४ गते लायन्स अन्तर्राष्ट्रिय डिष्ट्रिक्ट ३२५ आइ नेपाल अन्तर्गत काभ्रे स्थित लायन्स कल्बहरुको सक्रियतामा जहाँ आवश्यकता त्यहाँ लायन्सको मूल मर्मलाई आत्मसात गर्दै बाढी पहिरो प्रभावित काभ्रेपलान्चोक पॅाचखाल होक्सेका बिभिन्न स्थानका प्रभावितहरुलाइ खानाको अभाव भएको हुनाले आपतकालिन खाद्य सामग्री राहत वितरण गरिएको छ ।
प्रबक्ता भण्डारीले लायन्स डिष्ट्रिक्ट ३२५ आई नेपालको फुड बैक मार्फत राहत वितरणको पहिलो चरणको कार्य सम्पन्न गरेको बताउदै यो पुण्य मानवीय सेवा कार्यमा क्लस्टर चिफ संगीता थापा केसी, प्रलाद हुमागाईं ,जोन चेयर पर्सन राम प्रसाद ढकाल, भेषराज शाह,मल्टीपल काउन्सील चेयर पर्सन मनबहादुर रोका,कस भीडीजी पारती खरेल पान्डे, सेकेन्ड भीडीजी सुर्य केशी, फुड बैंक कोडिनेटर जवारछन फुयाल लगायतको सहभागिता रहेको बताए ।
यो बिपतमा देशभर अन्य स्थानमा पनि लायन्सका लिडर तथा सदस्यहरु उद्धार तथा राहतमा जुटेको बताउदै काभ्रे लगायत अन्य स्थानमा यो सहयोगलाइ निरन्तर अगाडी बढाइने पनि प्रबक्ता भण्डारीले जानकारी दिए ।
