अनिल नेपाली
१२ असोज, अर्घाखाँची – केही दिन अगाडि मात्र सरूवा भई आउनु भएका प्रमुख जिल्ला अधिकारी बाबुराम अर्याल आफै बाटो खुलाउन सडकमा पुगेका छन ।
पछिल्लो केही दिन देखि निरन्तरको भारी वर्षाका कारण अर्घाखाँची जिल्लाबाट अन्यत्र जाने विभिन्न सडक खण्डहरूको केही स्थानहरूमा पहिरो गई सडक अवरुद्ध भएको र अवरोध हटाउने कार्यमा प्रजिअ अर्याल आफै सडकमा पुगेका हुन ।
जिल्लामा निरन्तरको वर्षाका कारण सडकहरूमा पहिरोको उच्च जोखिम रहेको हुँदा यस अवस्थामा अत्यन्तै जरूरी बाहेक जोखिमपूर्ण यात्रा नगर्न नगराउनु हुन सम्बन्धित सबैमा अनुरोध गदै प्रजिअ अर्यालले यात्रा गर्नु पूर्व सडकको अवस्था बारे नजिकको सुरक्षा निकाय, सम्बन्धित पालिका, जिल्ला प्रशासन कार्यालय लगायत अन्य सम्बन्धित निकायबाट जानकारी लिई मात्र यात्रा गर्नु हुन समेत अनुरोध गरेका छन ।
निरन्तरको बर्षाले सदरमुकाम आउने बाटोमा अबरोध सिर्जना भई यात्रु बाटोमा अलपत्र परेका थिए । अबरोध हटाउन प्रजिअ अर्याल आफै बिहान देखि सडकमा पुगेका हुन ।
