अनिल नेपाली
घरेलु तथा साना उधोग कार्यालय अर्घाखाँची द्वारा बजार अनुगमनलाई तिब्रता दिएको छ । बिहिवार घरेलु तथा साना उधोग कार्यालयअर्घाखाँचीको आयोजनामा जिल्ला प्रशासन कार्यालयका प्रशासकीय अधिकृत नुमलाल पन्थीको संयोजकत्वमा प्रमुख जिल्ला अधिकारी बाबुराम अर्यालको नेतृत्वमा सन्धिखर्क नगरपालिका वडा नं २ चुत्राबेशीमा रहेका गल्ला किराना पसलहरुमा अनुगमन गरिएको छ ।
अनुगमनको क्रममा पसलहरुमा म्याद गुज्रेका खाध्य सामाग्रीहरु राखिएको भेटिएको थियो । अनुगमन टोलिमा प्रमुख जिल्ला अधिकारी बाबुराम अर्याल प्रशासकीय अधिकृत नुमलाल पन्थी घरेलु तथा साना उधोग कार्यालय अर्घाखाँचीका उधोग कार्यालयका हुम ब विक , उद्योग वाणिज्य संघका कोषाध्यक्ष रुद्र प्रसाद श्रेष्ठ,चेम्बर अफ कमर्शका कोषाध्यक्ष राजकुमार श्रेष्ठ नेपाल पत्रकार महासंघ अर्घाखाँचीका प्रतिनिधि अनिल नेपाली प्रहरी सहायक निरिक्षक बिमल कुबँर जिल्ला प्रशासनका खरिदार कृष्ण ज्ञवाली लगायतको सहभागी रहेको थियो ।
अनुगमन गदै प्रजिअ अर्यालले जनताको स्वास्थ्यमा प्रतिकुल असर पार्न सक्ने खाधान्न लगायत अन्य दैनिक उपभोग्य बस्तुको बिक्री बितरण गरेकोले त्यस्ता सामाग्री जफत गरिएको बताउदै चाडपर्वको नाममा जनतालाई झुक्याउन नदिन अनुगमन गरिने बताए ।
जनताको जीवन भन्दा माथि अरू नहुने भएकोले जनतालाई प्रत्यक्ष रूपमा असर पार्न सामाग्री पसलमा बिक्री बितरण भएकोले त्यसलाई निगरानी बढाएको प्रशासकीय अधिकृत पन्थीको भनाइरहेको छ केही दिन यता घरेलु तथा साना उधोगले यस्ता कामलाई निरन्तरता दिदै आएको छ ।
