तिलक महत
बुटवल–कुनै बेला गुल्मीबाट उच्च शिक्षा अध्ययनको लागी बुटवल झरेका अर्जुन थापाले अहिले करोडौँको लगानीमा बुटवलको चौराहामा भव्य होटल तथा रेष्टुरेन्ट खोलेका छन् ।
होटल तथा रेष्टुरेन्ट व्यवसायी संघ रुपन्देहीका महासचिव समेत रहेका अर्जुन थापाले होटल Highland तथा रेष्टुरेण्ट संचालनमा लिएका हुन । सुरुवाती चरणमा चिया पसलबाट आफ्नो व्यवसायी सञ्चालन गरेका उनले अहिले यो होटल तथा रेष्टुरेण्ट संचालनमा ल्याउन सुरुमा १ करोड ५० लाख र अहिलेसम्म आउदा १ करोड ८० लाख लगानी गरिसकेको बताए ।
बुटवल पर्यटनको हवको रुपमा बिकशित हुदै गैरहेको र अहिले व्यावशायमा केही सुस्तता र नैराश्यरा देखिएता पनि निकट भविष्यमै यो क्षेत्र सवल हुदै जाने विश्वास ब्यक्त गर्दै उनले एग्रो टुरिजमलाइ ध्यानमा राखेर अर्गानिक र ग्राहकको माग र इच्छा अनुसारको खाना रस्वच्छ र आनन्दमय बासको ब्यबस्था गरिने बताए ।
गुल्मीको इस्मा गाउँपालिका ३ दर्लांमचौर रानाखोलाका उनि अध्ययनका लागि बुटवल झरेका हुन । सामान्य परिवारका थापा अध्ययनको साथै व्यवसायीक सोचको साथ बुटवल झरेका बताए । सुरुमा अध्ययनको लागी आमाले ५ हजार दिएको स्मरण गर्दै उनले बिगतका दिनहरुमा होटल व्यवसायी रुपन्देहीको कर्मचारी रहेको र पछि बिभिन्न आफ्नै व्यवशायमा जोडिदै आएको र हाल होटल एबंपर्यटन व्यवशायको व्यापक सम्भावना छ भनी यो व्यवशाय सञ्चालन गरेको बताए ।
आइतवार होटल highland तथा रेष्टुरेन्ट बुटवल चौराहामा भव्य कार्यक्रमका साथ प्रमुख जिल्ला अधिकारी गणेश अर्यालले उद्घाटन गरेका हुन । उद्घघाटनको क्रममा अर्यालले रुपन्देही पर्यटनको लागी प्रमुख गन्तव्य भएको र यसले गर्दा होटल व्यवशायको संभावना प्रवल रहेको बताए ।
कार्यक्रममा होटल व्यवसायी महासंघका संस्थापक अध्यक्ष माधव नेपालले चिया पसल देखि करोडौंको लगानी गरेर एक युवा यहाँसम्म आएकोमा आफ्नो तथा संस्थाको तर्फबाट व्यवसायी सफलताको शुभकामना व्यक्त गरे । कार्यक्रममा अध्यक्ष लेखनाथ भण्डारी, राजु पौडेल, विष्णु बस्नेत लगायतले व्यवसाय सफलताको शुभकामना दिएका थिए ।