शिव सुवेदी,
बुटवल – लुम्बिनी प्रदेशका बन तथा वातावरण मन्त्री बादसाह कुर्मीको राजिनामा स्वीकृत भएको छ । मंगलबार राजीनामादिएका मन्त्री कुर्मीको मुख्यमन्त्री चेतनारायण आचार्यले राजीनामा स्वीकृत गरेका छन् ।
कांग्रेस केन्द्रीय समितिबाटै राजीनामाका लागि दबाब परेपछि उनले राजीनामा दिएका थिए । मुख्यमन्त्री आचार्यले बुधवार राजीनामा स्वीकृत गरेको मुख्यमन्त्रीको सचिवालयले जानकारी दिएको छ ।
बाँकेकी निर्मला कुर्मीको शंकास्पद मृत्यु र सम्पत्ति हिनामिना प्रकरणका मुख्य आरोपित व्यक्तिलाई मन्त्री बनाइएको भन्दै महिला अधिकारकर्मीहरू आन्दोलित भएका छन् । गत निर्वाचनमा कांग्रेस–माओवादीको गठबन्धनबाट कुर्मी बाँकेको निर्वाचन क्षेत्र ३ (२) बाटनिर्वाचित भएका थिए ।
बादशाह साउन ९ गते कांग्रेसबाट लुम्बिनी प्रदेशको बिना विभागीय मन्त्री बनेका थिए भने साउन १८ गते मुख्यमन्त्री आचार्यले वन तथावातावरण मन्त्रीको जिम्मेवारी तोकेका थिए । कुर्मी विरुद्ध कर्तव्य जान मुद्दा र ठगी मुद्दामा अनुसन्धान चलिरहेको छ ।
