तिलक महत
बुटवल–इस्माली समाज रुपन्देहीले तिजको अन्तीम दिन सम्पूर्ण चेलीबेटीलाई जुटाई भव्य समारोहका साथ कार्यक्रम सम्पन्न गरेको छ।
रुपन्देहीको ती.न.पा ४ ड्राइभरटोल स्थित ब्लु बेल पार्टी प्यालेसमा गुल्मी इस्मा गाउँ पालिकाबाट बसाईसराई गरी रुपन्देहीका विभिन्न स्थानमा स्थाइ वा अस्थाइ रुपमा बसोबास गर्दै आइरहेका महिला दिदी बहिनीहरुलाई जुटाई २०८१ को तीजको अन्तीम दिन ऋषिपञ्चमीमा नाचगान सहित कार्यक्रम सम्पन्न गरिएको हो ।
इस्माली सम्पर्क समाज रुपन्देहीका अध्यक्ष कृष्ण जिसीले गुल्मेली चेलीबेटीहरु जमघट गराएर हामी बसाइसराई गरी रुपन्देहीमा रहे पनि गुल्मी इस्माली चेलीबेटीहरुको गीत संगीतले इस्मामै भएको अनुभूति गराएको बताए ।
कार्यक्रममा समाजका सल्लाहकार बालुराम भण्डारीले हामी रुपन्देहीमा भएपनि इस्माको डाँडाकाँडामा चेलीबेटीले गीत संगीत गायकोजस्तो अनुभिती भएको बताए । त्यस्तै इस्माली समाजका वरिष्ठ व्यक्तित्व एबं व्यवसायी विष्णु अधिकारीले हामी इश्माकै भुमिमा भएजस्तो रमाइलो अनुभूति भएको विचार व्यक्त गरे ।
कार्यक्रममा सांस्कृतिक समुहका व्यक्तित्व बाबुराम थापा, बाबुराम भण्डारी, विष्णु अधिकारी र दर्लांमचौर हातेमालोको अध्यक्ष कृष्णमणि खनाल, दोहोली सम्पर्क समाजका अध्यक्ष पुनारम पोख्रेल, समाजसेवी जवान सिंह ठकुरी, डम्बर भण्डारी, हरी पैयानी रकार्यक्रम संयोजक गीता क्षेत्री लगायतको उपस्थिति रहेको थियो । कार्यक्रममा सयौ इस्मालीहरुको उपस्थिति थियो ।
