काठमाडौँ । प्रधानमन्त्री केपी शर्मा ओलीले नेपालको कानून अनुसार दर्ता नभएका सामाजिक सञ्जालहरू नियन्त्रणमा ल्याइने बताएका छन ।
मंगलबार राष्ट्रिय सूचना आयोगले आयोजना गरेको १९औँ राष्ट्रिय सूचना दिवसको कार्यक्रममा सम्बोधन गर्दै उनले दर्ता नगरी सञ्चालनभइरहेका सामाजिक सञ्जालहरूले अराजकता फैलाइरहेको हुनाले त्यस्ता सामाजिक सञ्जालहरूलाई बन्द गरिने बताएका हुन ।
उनले नियममा नआउने, दर्ता नगर्ने, कर नतिर्ने र गैरजिम्मेवार रूपमा सञ्चालन हुने प्रवृत्तिबाट समाज र राष्ट्र दुवैलाई क्षति पुगेको भन्दै नियन्त्रणको आवश्यकतामा जोड दिएको बताएका छन ।
प्रधानमन्त्री ओलीले भने, “कतिपय सामाजिक सञ्जालहरू भन्छन्—तिमीहरूको कानून मान्दिनँ, दर्ता हुँदिन अब त्यस्ता सञ्जाललाई नियन्त्रण गर्नुपर्छ।”
