सुर्खेतको भेरीगंगा नगरपालिका–८ मा शुक्रबार दिउँसो चट्याङ लाग्दा एक जनाको मृत्यु भएको छ, भने चार जना घाइते भएका छन ।
जिल्ला प्रहरी कार्यालय अनुसार भेरीगंगा नगरपालिका स्थानीय वीरबहादुर थापाको खेतमा धान रोपाइँ गर्दै गर्दा अचानक परेको चट्याङले २७ वर्षीय डिलबहादुर शाहीको ज्यान गएको हो । दिउँसो करिब ३ बजेतिर चट्याङ लागेपछि गम्भीर घाइते भएका शाहीको मेहलकुना अस्पतालमा उपचारका क्रममा मृत्यु भएको हो ।
चट्याङ लागेर घाइते हुनेमा १७ वर्षीय पर्वत विक, १९ वर्षीय हुम बहादुर थापा, १८ वर्षीय नवीन विक र ३० वर्षीया सुनिता गिरी रहेका छन् । उनीहरूको अवस्था सामान्य रहेको र मेहलकुना अस्पतालमा उपचार भइरहेको प्रहरीले जनाएको छ ।
