पत्रकार दिल भूषण पाठक विरुद्ध दायर मुद्दासम्बन्धी बयान आज (बिहीबार) काठमाडौं जिल्ला अदालतमा सुरु भएको छ ।
गत असार १६ गते साइबर ब्यूरोले विद्युतीय कारोबार ऐन, २०६३ अन्तर्गत मुद्दा दर्ता पश्चात कानुनी प्रकृया अगाडी बढाइएको पाठक विरुद्धको मुद्धामा आज न्यायाधीश खेमराज भट्टको इजलासमा बयान प्रक्रिया अघि बढाइएको हो ।
पाठक आज बिहान ९ बजे अदालत पुगेका थिए । बयानपछि थुनछेक सम्बन्धी बहस हुने अदालत स्रोतले जनाएको छ । उनि बिरुद्ध जिल्ला सरकारी वकिलको कार्यालयले ऐनको दफा ४७ बमोजिम विद्युतीय माध्यम प्रयोग गरी गैरकानुनी सामग्री प्रकाशन गरेको आरोपमा मुद्दा दायर गरेको हो ।
सरकारी पक्षले पाठकलाई एक लाख रुपैयाँ जरिवाना, पाँच वर्ष सम्मको कैद वा दुवै सजायको माग गर्दै अभियोजन दर्ता गरेको छ । हाल अदालतमा बयानको प्रक्रिया जारी रहेको छ भने त्यसपछि थुनछेक बहसबाट पाठकको आगामी अवस्था तय हुनेछ ।
