अनिल नेपाली
अर्घाखाँची जिल्लाको प्रसिद्ध धार्मिक स्थल सुपादेउरालीमा केबुलकार सञ्चालन गर्ने गरी तयारी अगाडी बढेको छ ।
सुपादेउराली केबुलकार प्रा.ली. दर्ता गर्नका लागी सन्धिखर्क नगरपालिका वडा नं. ७ का अध्यक्ष चुरा ब केसी ले नगरपालिकाका प्रमुख कृष्णप्रसाद श्रेष्ठलाई सिफारीस गरेका हुन ।
नगरकार्यपालिकाको १३ गते बसेको बैठकको निर्णय अनुसार सुपादेउराली मन्दिर नजिक बटम स्टेशन रहने र मसिनाको लेकमा टप स्टेशन रहने गरी केबुलकार निमार्ण र सञ्चालनका लागी नगरपालिकाले सिफारीस गरेको हो ।
सुपादेउराली मन्दिर क्षेत्रमा केबलकार सञ्चालन गर्दा सन्धिखर्क नगरपालिका सहित अर्घाखाँचीको पर्यटन विकास हुने नगरप्रमुख कृष्णप्रसाद श्रेष्ठको भनाई छ ।
