काठमाडौंको नयाँ बानेश्वरस्थित कात्यानी चोकमा कारको ठक्करबाट एक बालकको मृत्यु भएको छ।
जिल्ला प्रहरी परिसर काठमाडौंका प्रवक्ता तथा एसपी अपिलराज बोहराका अनुसार ३ वर्षीय बालक शिवांश झा को मृत्यु भएको हो ।
बागमती प्रदेश–०१–०३१ च ९५६३ नम्बरको कारले बालकलाई ठक्कर दिएको प्रहरीले जनाएको छ । दुर्घटना पछि गम्भीर घाइते भएका बालकलाई तत्कालै उपचारका लागि केएमसी अस्पताल, सिनामंगल लगिएको थियो । उनको उपचारको क्रममा मृत्यु भएको हो।
दुर्घटनामा संलग्न कार चालक रमेश कुमार श्रेष्ठलाई नियन्त्रणमा लिई आवश्यक अनुसन्धान अघि बढाइएको प्रहरीले जनाएको छ।
