प्रेम सुनार
गुल्मी । प्रेस सेन्टर नेपाल गुल्मी जिल्लाको चौधो अधिवेशन सम्पन्न भएको छ । आईतबार देखि सुरु भएको अधिवेशनले आइतबारै साँझ नयाँ कार्य समिति सर्वसम्मत चयन गरिए पनि घोषणा भने सोमबार दिउँसो गरिएको थियो । अधिवेशनले निर्वमान सचिव हुमकान्तपोख्रेसलाई अध्यक्ष पदमा सर्वसम्मत निर्वाचित गरेको छ ।
उपाध्यक्षमा खुमानन्द फुल्देल (लक्ष्मण ) र बाशुदेव पोखरेल सर्वसम्मत निर्वाचित भएका छन । त्यस्तै सचिवमा अमृता सेन्च्युरे निर्वाचित भएकी छन । सहसचिवमा प्रदिप भुसाल र प्रियाङका पन्थी, कोषाध्यक्षमा मन्दिरा बिश्वकर्मा निर्वाचित भएका छन । पदाधिकारी सहित २१ सदस्यीय कार्य समिति गठन भएको निर्वाचन समितिका संयोजक कृष्ण पाण्डेले जानकारी दिए ।
अधिवेशनको त्यस संगठनको शुभेच्छुक पार्टी नेकपा माओवादी केन्द्रका केन्द्रिय सदस्य बिरबहादुर कार्र्कीले उद्घाटन गरेका थिए । नवगठित कार्य समितिलाई निर्वाचन केन्द्रिय प्रतिनिधी प्रेस सेन्टर नेपालका केन्द्र्रिय सचिव प्रेम सुनारले पद तथा गोपनियताको सपथ खुवाएका थिए ।
त्यस्तै प्रमुख अतिथी कार्की , बिशेष अतिथी सोही पार्टीका लुम्बिनी प्रदेश कमिटी सचिवालय सदस्य बुद्धि जिसी, जिल्ला पार्टी संयोजक तेजेन्द्र सलामी, सचिव तथा प्रेस सेन्टर नेपालका फ्याक्शन ईन्चार्ज अशोक थापा , पुर्व माननिय तथा सोही पार्टीका लुम्बिनी प्रदेश कमिटी सदस्य गिता थापा , बिभिन्न जनबर्गिय संगठनका नेताहरुले मन्तब्य राखेका थिए ।
त्यस्तै बिशेष अतिथी प्रेस सेन्टर नेपालका केन्द्रिय सचिव प्रेम सुनार र केन्द्रिय सदस्य भरत पाण्डले प्रशिक्षण मन्तब्य राखेका थिए । नवनिर्वाचित अध्यक्ष हुमकान्त पोखरेलले प्रतिबद्धता मन्तब्य राखेका थिए ।
अधिवेशनको अवसरमा त्यस संगठनमा केही सञ्चारकर्मी अन्य संगठन बाट प्रेस सेन्टरमा प्रवेश गरेका थिए । उनिहरुलाई नेताहरुले स्वागत गरेका थिए । निर्वाचन मण्डलका संयोजक कृष्ण पाण्डे , सदस्यहरु भरत चन्द र पुष्कर खडकाले सहमतिका लागि घनिभुत प्रयास गरी सर्वसम्मत नेतृत्व चयन गर्न सफल भएको बताएका छन ।
त्यस संगठनमा यस अघि अध्यक्ष तिलाचन पाण्डे थिए । उद्घाटन सत्रको अध्यक्षता उनै पाण्डे र निबर्तमान सचिव हुमकान्त पोखरेलले गरेका थिए ।
