३ माघ,बुटवल । कपिलवस्तुमा गए राती दुई मोटरसाइकल एक आपसमा ठोक्किँदा दुई जनाको मृत्यु भएको छ भने एक जना गम्भीर घाइते भएका छन । कपिलबस्तुको वाणगंगा नगरपालिका–११ स्थित भित्री सडकखण्डमा गए राति करिब १०ः३० बजे दुई मोटरसाइकल ठोक्किँदा दुर्घटना भएको हो ।
मृत्यु हुनेमा लु १० प ४४९६ नम्बरको मोटरसाइकल चालक, सैनामैना–४ निवासी २७ वर्षीय रोमन थारु र भारतिय नम्बर प्लेट भएको यूपी ५५ ए एच ७०९० नम्बरको भारतीय मोटरसाइकल चालक, कपिलवस्तु शुद्धोदन गाउँपालिका–३ निवासी ३५ वर्षीय नेहामन अली रहेका छन ।
उनीहरूको उपचारका क्रममा बुटवलस्थित लुम्बिनी प्रादेशिक अस्पतालमा मृत्यु भएको जिल्ला प्रहरी कार्यालय कपिलवस्तुका प्रवक्ता डिएसपी मोहनमणि अधिकारीले जानकारी दिएका छन ।
दुर्घटनामा २६ वर्षीय अजय थारु घाइते भएका छन । उनको उपचार लुम्बिनी प्रादेशिक अस्पतालमा भइरहेको प्रहरीले जनाएको छ । दुर्घटनाको कारण बारे थप अनुसन्धान भइरहेको प्रहरीको भनाइ छ ।
