गुल्मी । गुल्मी फोटोग्राफर सङ्घको प्रथम जिल्ला अधिवेशनबाट हरिलाल न्यौपानेको अध्यक्षतामा नयाँ कार्यसमिति चयन भएको छ । तम्घासमा सम्पन्न भएको अधिवेशन वरिष्ठ फोटोग्राफर नन्दराम पाण्डेको प्रमुख अतिथ्यतामा भएको थियो ।
समितिको उपाध्यक्ष रेमलाल बस्याल, महासचिव राजकुमार सुनार, कोषाध्यक्ष मेघराज पन्थी,सचिव धनेन्द्र खत्री, सह कोषाध्यक्ष मुक्तबहादुर ढेँगा र प्रवक्ता सुजन न्यौपाने चयन भएका छन् । सदस्यहरुमा केशव अर्याल, अर्जुन अर्याल, अशोक सोमै, प्रकाश घिमिरे, घनश्याम पराजुली, कमल लम्साल ,यादव पाण्डे , देवेन्द्र पन्थी चयन भएका छन् । बरिष्ठ सल्लाहकार नन्दराम पाण्डे, गोपाल थापामगर र रेमलाल थापा रहेका छन् ।
निर्वाचित अध्यक्ष न्यौपानले सबै फोटो स्टुडियो तथा फोटोग्राफी र भिडियोग्राफी पेशामा संलग्न पेशागत व्यक्तिहरू एकजुट भए मात्रयसको व्यावसायिक प्रगति हुने बताए । उनले आगामी दिनमा गुल्मी फोटोग्राफर संघमा आबद्धहरूको हकहित सुरक्षा र संरक्षणका निम्ति हातेमालो गरेर अगाडि बढ्ने प्रतिबद्धता समेत व्यक्त गरे ।
कार्यक्रमका बीचमा वरिष्ठ फोटोग्राफर नन्दराम पाण्डेलाई फोटोग्राफी क्षेत्रमा पुर्याएको योगदान प्रति उच्च सम्मान गर्दै सम्मानपत्र र दोसल्ला द्वारा सम्मान गरिएको थियो । सो अवसरमा कोषाध्यक्ष मेघराज पन्थीले आर्थिक प्रतिवेदन प्रस्तुत गरेका थिए ।
संस्थाका सचिव राजकुमार सुनारको सञ्चालन तथा संस्थाका सदस्य सुजन न्यौपानेको स्वागतमा कार्यक्रम सम्पन्न भएको थियो ।
