अनिल नेपाली
सन्धिखर्क २४ पुस । अर्घाखाँचीको पर्यटकीय स्थल ढुङ्गे बगैचा (रक गार्डेनमा) सशस्त्र प्रहरी अर्घाखाँचीले सरसफाइ गरेको छ । प्राकृतिक रूपमा रहेको चट्टान आफैं गार्डेन जस्तै बनेर बसेको छ ।
एक पटक हेर्न जाने मानिसहरू चट्टानको बनाबाट र त्यहाँको वातावरणमा प्रफुल्लित हुन्छन् । कलात्मक रूपमा मानिसहरूले आफै सजाएर र योजना अनुसार बनाएर राखेको जस्तो देखिने ति चट्टान अनौठो प्रकृतिका छन् । सयौं रोपनी क्षेत्रफलमा फैलिएको अर्घाखाँचीको सन्धिखर्क–११ डिभर्नामा रहेको रक गाडेर्न पछिल्लो समय पर्यटकीय स्थलको रुपमा विकास हुँदैछ ।
२४ औ सशस्त्र प्रहरी दिवसको पुर्व सन्ध्यामा सशस्त्र प्रहरीको ३६ नम्वर गुल्म अर्घाखाँचीले पर्यटकीय स्थल ढुंगे बगैंचामा सरसफाइ गरेको डिएसपी भिमसेन बोहोराले बताउनुभयो । बगैँचा हेर्न आउने आन्तरिक तथा बाह्य पर्यटकलाई आकर्षित गर्न सन्धिखर्क बाट गएको सशस्त्र प्रहरीको टोलीले सरसफाइ गरेर चिटिक्क पारेको डिएसपी बोहोराको भनाइ छ
