अनिल नेपाली
२१ पौष, अर्घाखाँची– त्रिवेणी बचत तथा ऋण सहकारी संस्था द्वारा संस्थामा शेयर सदस्य बनेको ४ महिना नपुग्दै दुर्घटना भई मृत्युहुनुभएका शेयर सदस्य बलबहादुर खत्रिको हकवाला श्रीमती रमनी पाण्डे खत्रिलाई आज एक कार्यक्रमका बिच रू.२ लाख को बिमारकम हस्तान्तरण गरिएको छ ।
स्मरण रहोस संस्थामा नयाँ शेयर सदस्य बन्दा सदस्य कल्याण कोषमा रू. ३,१००/- तिनहजार एक सय जम्मा गरिसकेपछि वार्षिकरूपमा सम्पूर्ण शेयर सदस्य र बाल सदस्यहरूको दुई लाख बरावरको दुर्घटना बिमा गरिदिने गरेको छ । साथै प्राकृतिक मृत्यु(कालगतिबाट) भएमा रू. १५,०००/- काजकिरिया खर्च बापत सहयोग गर्ने गरेको छ ।
संस्थाले उक्त सदस्य कल्याण कोषबाट ७० बर्ष उमेर पुगेका जेष्ठ सदस्य सम्मान र महिला शेयर सदस्य सुत्केरी पोषण कार्यक्रमसंचालन गर्दै आएको छ । उक्त बिमाङ्क रकम प्रदान गरेकोमा नेको इन्सुरेन्स कम्पनी लिमिटेड सन्धिखर्क अर्घाखाँची शाखालाईधन्यवाद ब्यक्त गरिएको छ ।
