२५ असोज, गुल्मी–गुल्मीको मुसिकोट नगरपालिका ५ इन्द्रेगौँडा स्थित रिडी– बुर्तिवाङ सडकखण्डमा बुटवलबाट गुल्मीको मालिका तर्फ गइरहेको लु १ ज ४४४८ नम्बरको फोर्स सफारी गाडी बिहान करिव ९ बजे तिर दुर्घटना हुँदा चालक सहित १४ जना घाइते भएका छन ।
जिप सडक छेउँबाट डिल मुनि पल्टिँदा १३ जना यात्रु र १ जना चालक सहित १४ जना घाइते भएकाले उद्धार गरि उपचारको लागी लुम्विनी मेडिकल कलेज प्रवास पाल्पा तर्फ पठाईएको जिल्ला प्रहरी कार्यालय गुल्मीका डिएसपी शंकर पोखरेलले बताए ।
दुर्घटनामा २ जना यात्रु गम्भीर घाइते,र अन्य सामान्य घाइते भएको बताइएको छ । दुर्घटना पश्चात नेपाल प्रहरी,मुसिकोट नगर प्रहरी रस्थानीय व्यवशायी एवम् अन्य व्यक्तिहरूले तत्कालै उद्धार गरेका थिए ।
