धादिङको नीलकण्ठ नगरपालिका– ८ ससाहमा बस र माइक्रो ठोक्किँदा आठ जना यात्रुहरु घाइते भएका छन् ।
धादिङबाट काठमाडौं जाँदै गरेको ना.७ख ३१९८ नम्बरको बस र बागमती प्रदेश ००१ज०५२९ इभी भ्यान एक–आपसमा ठक्कर खाँदा माइक्रोमा सवार आठजना घाइते भएको जिल्ला प्रहरी कार्यालय धादिङले बताएको छ ।
दुर्घटनामा परी घाइते भएकाहरूको धादिङ अस्पतालमा उपचार भइरहेको छ । दुई जनालाई थप उपचारका लागि काठमाडौं लैजाने तयारी भइरहेको धादिङ अस्पतालले जनाएको छ ।
सडकको अवस्था, भौगोलिक बनावट, मौषम, सवारी साधनको अवस्था, अत्यधिक गरि लगायतको कारण आजभोलि देशभर सडक दुर्घटनामा अत्याधिक बृद्धी आइरहेको छ ।
