शरिरलाई स्वस्थ र तन्दुरुस्त राख्नको लागि फलफुल निकै लाभदायी मानिन्छ । फलफुललाई शरिर सुरक्षारत्मक खानाको रुपमा बुझिन्छ ।फलफुलले छालालाई चम्किलो बनाउनुको साथै कपाल नङ आँखा जस्ता बाह्य अंगहरुलाई स्वस्थ र आक्रसित बनाउँछ ।
मुटु रोग विशेषज्ञ डा. ओम मुर्ति अनिलका अनुसार “ फरक फरक रंगका फलफुलमा फरक तत्वहरु पाइन्छ । विशेष गरेर एंटीआक्साडेण्ट पाइन्छ । यसले हाम्रो स्वास्थ्यलाई दीर्घरोगहरुबाट बच्न मद्दत गर्दछ । उच्च रक्तचापको बिरामीले प्रशस्त मात्रामा दैनिक फलफुल सेवन गरे मुटुरोग र मृगौला रोगको जोखिम न्यून हुने अनुसन्धानले देखाएको छ ।”
बेमौसमी , रसायनको प्रयोग गरिएका र लामो समय कोल्ड स्टोर गरेर राखेका फलफुल भन्दा मौसम अनुसारका, अर्गानिक तथा हाम्रो वरपर फलेका फलफुलहरु हामीले सेवन गर्नु मानव स्वास्थ्यको लागि झनै उपयुक्त मानिन्छ ।
