नारायणगढ– मुग्लिन सडक खण्डमा बस पल्टिँदा १९ जना घाइते भएका छन् । भरतपुर महानगरपालिका वडा नं.२९ को सत्र किलोमा बस दुर्घटना परेको हो ।
रौतहटको गौरबाट पोखरा जाँदै गरेको ग २ ख ४७ नम्बरको यात्रु बस गुडिरहेको अवस्थामा सडक माथिबाट ढुङ्गा खसेपछि बस अनियन्त्रित भएर सडकमा पल्टिएको प्रहरीले जनाएको छ
दुर्घटनामा घाइतेमध्ये ९ जनाको भरतपुर अस्पतालमा बाँकीको चितवन मेडिकल कलेजमा उपचार भइरहेको जिल्ला प्रहरी कार्यालय चितवनले बताएको छ । घटनामा परी दुई जना गंभिर घाइते भएका छन ।
