बुटवल – लुम्बिनी प्रदेशका मुख्यमन्त्री चेतनारायण आचार्यले तत्कालिन मुख्यमन्त्री कुलप्रसाद केसीले गरेको निर्णयलाई उल्टाउदै पुर्वविशिष्ट पदाधिकारीको लागि उपलब्ध गराउदै आइरहेको सेवा सुविधा रोक्ने भएका छन् ।
लुम्बिनी प्रदेशका तत्कालिन मुख्यमन्त्री केसीले २०७९ भदौ ३१ गतेको मन्त्रीपरिषद् बैठकबाट पूर्व विशिष्ट पदाधिकारीका लागिसेवासुविधा उपलब्ध गराउने निर्णय गराएका थिए । सो निर्णयलाई आज (विहिबार) बसेको मन्त्रीपरिषद् बैठकले समय अवधि दिएरउक्त सेवा सुविधाहरू फिर्ता लिने निर्णय गरेको मुख्यमन्त्री आचार्यले बताए ।
हाल प्रदेशका विशिष्ट पदाधिकारीले प्राप्त गर्ने सुविधाहरूमा प्रदेश सरकारले गाडी, इन्धन, मर्मत, चालक, पिएसओको सुविधा उपलब्धगराउँदै आएको थियो । त्यस्तै निवर्तमान मुख्यमन्त्री र सभामुखलाई मात्र विशेष सुविधा प्रदान गर्ने निर्णय गरे तापनि प्रदेश सरकारका पूर्वमुख्यमन्त्रीहरुले समेत उक्त सुविधा लिँदै आएका थिए ।
